بسم الله الرحمن الرحيم
ياصاحبي عطني من الحـب واعطيـك
حبـن علـى وضـح النقامـا بقينـا
تعال سولف لـي عسـى الله يعافيـك
نضحـك سـوى واليـا بكينـا بكينـا
كـل المشاعرمـن محبتـك تدعـيـك
والشوق فـي سـود المحاجـر يبينـا
وش صارلك يا صاحبي وش حصل فيك
مـدري جـفـا ولاتغـلـى عليـنـا
وش جاك مني يـوم تقفـي واناديـك
وشهـو خطـاي إلا غـلاك الثميـنـا
مالي خطـا ياكـود احبـك واداريـك
وقلبـي لغيرمحبـتـك مــا يليـنـا
ابشر بمن يرضي غـرورك ويرضيـك
مـا للسفينـه غيـر مرسـى ومينـا
يامـا تعهدنـا علـى كلمـة اغلـيـك
بعنا علـى وضـح النقـا واشترينـا
مـره تحاكينـي ومــرات احاكـيـك
وياما عـن اسـرار المحبـه حكينـا
تجيني اليا غبت وان غبت انـا اجيـك
ويامـا علـى درب المحبـه مشيـنـا
تعال وارجع لـي عسـى الله يهديـك
وهات السنيـن اللـي عليهـا حيينـا
منقووووووووووووووله للاخت الغاليه(( مهرة بدوي ))
تحياتي
ياصاحبي عطني من الحـب واعطيـك
العرض العادي
